ILOILO CITY – Dakop sa drug buy bust operation ang magkahagugma sa Zona 1, Calumpang, Molo, Iloilo City.
Ang nadakpan amo sanday Kevin Salcedo, 23 anyos, taga Lopez Jaena Norte, LaPaz, Iloilo City kag Ashley May Villanueva, 18 anyos, taga Dumangas, Iloilo.
Sa interview sang Bombo Radyo kay PMaj. Engelbert Banquillo, hepe sang Molo Police Station, iya ginpahayag nga duha ka semana nga gina-monitor ang duha ka mga persona kag masami ang mga ini nga saylo-saylo sang boarding house.
Base sa panaysayon sang magkahagugma, pito na ka bulan ang ila nga relasyon.
Ginpanginwala man sang nobya nga nakahibalo siya nga nagabaligya sang iligal nga droga ang iya nobyo.
Apang suno kay Banquillo, ang nobya ang masami naga upod sa kada transaksyon ni Salcedo.
Ang cellphone sang lalaki ang wala naman ma recover.
