Nagapanawagan si Senador Pia Cayetano sa Department of Education (DepEd) nga ikonsidera ang “small classroom set-ups” sa mga lugar nga may manubo nga kaso sang COVID-19 agud mabuligan ang mga estudyante nga may disability.
Katuyu-an sang senadora nga mapahanugutan ang 15 ka mga estudyante sa sulod sang isa ka hulot sa diin i-obserba sa gihapon ang physical distancing samtang naga-klase.
Suno kay Cayetano, kuntani madula na ang tanan nga nagabalabag sa sistema sang edukasyon sa Pilipinas kag pahanugutan ang mga Filipino learners nga nagakinahanglan sang atensyon nga maka-access man sa quality education.
Bangud sa limitasyon sang sistema sang edukasyon sang pungsod, kun kaisa pahayag niya, nagakabudlayan ang mga manunudlo nga i-akomodar ang mga kabataan nga may additional needs.
Nahibaluan nga ang ika-tatlo nga anak ni Cayetano ang may yara sang kondisyon nga ginatawag Trisomy 13.
Nagalab-ot sa 230,000 ang mga estudyante nga may yara sang disability diri sa Pilipinas.
