City Compliance team indi na sakop ang pag tsekyar sa numero sang mga customer nga nagasulod sa kwarto sang motel kag hotel agud masiguro nga ginapatuman ang minimum health standards

Wala malakip sa katungdanan sang Iloilo City Compliance Team ang pag tsekyar sa numero sang mga customers nga nagasulod sa kwarto sang motel kag hotel.

Sa interview sang Bombo Radyo kay Nestor Canong, pinuno sang Task Force on Moral and Values Formation, iya ginpahayag nga kutob lamang sila sa lobby sang motel kag hotel sa pag tsekyar kun bala ginasunod ang minimum health standards.

Suno kay Canong, nakadepende na sa hotel kag hotels kun pila ka tawo ang mahimo makasulod sa kwarto nga base man sa memorandum sang Department of Tourism.

Nahibaluan nga naga umpisa na ang compliance team sa pag libot sa syudad sang Iloilo agud tsekyaron kun bala nagasuksok sang facemask kag naga obserba sang physical distancing ang mga pumuluyo.