ILOILO CITY – Daku ang mangin epekto sa ekonomiya sang syudad ang pagpatuman sang border restrictions sa probinsya sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga may yara sang negatibo nga epekto ang ginapatuman nga border restrictions bangud nga ang kalabanan sa mga nagapamakal sa syudad ang naghalin sa probinsya sang Iloilo.
Suno kay Treñas, mabuhinan man ang mga tawo nga nagapadulong sa syudad ilabi na ang mga halin sa iban nga probinsya sa Western Visayas bangud sa ginapatuman nga restrictions.
Ginpahayag ni Treñas nga indi siya magpatuman sang border restrictions bangud nga gina umpisahan pa lang ang recovery program sa ekonomiya sang syudad.
May kaangtanan diri, mas makapaayo suno sa alkalde nga maistorya niya sa masunod nga semana ang tanan nga gobernador sa rehiyon tuhoy sa unified protocol.
Samtang, ginpahayag sang natungdan nga ginahitso na ang nagakaigo nga kaso batok sa mga naglapas sa quarantine protocol.
Sa pagpaathag ni Treñas, igapasa na sang City Legal Office sa National Bureau of Investigation ang mga dukomento.
