ILOILO CITY – Masobra 5,000 ang na record nga violators kun quarantine protocol sa Western Visayas ang pagahambalan.
Sa interview sang Bombo Radyo kay Police Col. Gilbert Gorero, acting Public Information Officer sang Police Regional Office 6, iya ginpahayag nga naglab-ot sa 5,665 ang nasitaan sang otoridad humalin sang ginpatuman ang community quarantine sa rehiyon.
Suno kay Gorero, kalabanan ang naglapas sa curfew, wala nagasuksok sang face mask kag wala nagasunod sa physical distancing.
Ginpahayag ni Gorero nga masobra sa 2,000 ang napasakaan sang kaso paagi sa inquest proceeding kag regular filing.
Ang iban naman sa mga violator ang ginpaidalom sa counselling agud nga indi na pagsuliton ang ginhimo nga kapaltahan.
