Ginkakilig sang mga netizens ang nangin reaksyon sang boyfriend sang aktres kag vlogger nga si Alex Gonzaga.
Ini ang may kaangtanan sa prank video ni Alex sa iya nobyo sa diin nagpa kuno-kuno ini nga natuslok sang tinidor ang iya nga dila.
Makit-an sa video nga samtang nagakaon sanday Alex kag nobyo sini nga si Mikee, gilayon nga nag umpisa ang prank.
Nagsalangisag si Mikee apang gintinguhaan sini nga makuha ang tinidor sa dila sang iya nobya.
Bangud sa nangin reaksyon sang nobyo, napamatud-an ni Alex nga “true love” ang nabatyagan ni Mikee sa iya.
Samtang sa social media account, gin-ulan sang “kilig” ang mga netizens kag nagpahayag pa ang iban nga “Sana all may Mikee”.
