“Ni-rape nila, binaboy nila” -pamilya sang 15 anyos nga dalagita nga ginpatay sang ila ginatudlo 2 ka mga pulis sa Ilocos Sur

Indi mabaton sang mga himata sang 15-anyos nga dalagita sa Ilocos Sur nga pagkatapos gin-molestya, gin-patay pa sang ila ginatudlo duha ka mga pulis.

Ginpasakaan na sang kaso nga murder sa Provincial Prosecutor of Ilocos Sur sanday POLICE STAFF SERGEANTS RANDY RAMOS kag MARAWI TORDA nga gikan sa San Juan Municipal Police Station.

Ang dalagita amo si Fabel Pineda.

Santu sa imbestigasyon sang Cabugao Municipal Police Station, nag-tambong sa isa ka birthday party si Pineda kag iya pakaisa nga 18 anyos nga dalaga sang sila ang gindakop sang mga suspek bangud sa gina-alegar pag-lapas sa curfew.

Nagpahayag ang duha ka pulis nga ila dul-ong ang duha ka mga babaye sa ila tagsa ka mga puluy-an apang gin-molestya si Pineda samtang gin-rape naman ang iya nga pakaisa.

Bangud sini, nagpasaka sang kaso ang duha batuk sa mga pulis.

Apang samtang nagasakay sa motorsiklo ang duha ka mga babaye kaupod ang ila tiyo kag utod matapos magpasaka sang reklamo, gin-luthang patay si Pineda sang duha ka mga lalaki sakay man sa motorsiklo.

Ang duha ka mga pulis ang ginatudlo sang mga himata ni Pineda nga amo ang sa likod sang pagpangluthang-patay.

Una na nga nagmandu si PNP chief Police General Archie Francisco Gambia nga sipaon na sa serbisyo ang duha ka mga pulis kag hatagan sang seguridad ang pamilya kag pakaisa ni Pineda nga gin-rape.