BUENAVISTA, GUIMARAS – Dako na ang piyerde sang mga manugpangisda sa Barangay Getulio, Buenavista, Guimaras sa ila palangabuhian bangud sa pagkapatay sang masobra 100 kilo nga mga bangrus tuga sang langis nga nagtagas halin sa power barge nga naglupok.
Sa interview sang Bombo Radyo kay Valorven Natonton, isa ka manugpangisda, iya ginpahayag nga indi na mapuslan pa ang mga 140 kilo nga mga isda nga nagkalamatay bangud kontaminado na ini sang langis kag mahimo makaapekto pa sa ikaayong lawas sang tawo kun ini pa ang kaunon.
Suno kay Natonton, nakit-an nila ang mga patay nga isda sa fish cage mismo.
Mahimo pahayag niya nga nagtupa ang bubod sa oil sheen kag nakaon mismo sang mga bangrus.
Sa subong, nagbuligay ang mga pumuluyo sang Barangay Getulio agud makahimo sang improvised spill boom.
