“Kung ang kapulisan mismo ang pumapatay sa ating mga sundalo na tumutugis sa mga teroristang Abu Sayyaf, aba eh good luck na lang sa atin” -Sen. De Lima

Nagapangduha-duha si Senador Leila Delima nga mapatuman sang insakto sang Armed Forces of the Philippines kag Philippine National Police ang Anti-Terror Law kasunod sang “shooting incident” nga natabo sa tunga sang duha ka mga organisasyon sa Jolo, Sulu.

Suno kay De Lima, kun ang mga pulis man lang mismo ang nagapatay sa mga soldado nga nagalagas sa terorista nga Abu Sayyaf, “good luck” na lang kun ano ang matabo sa Pilipinas kag magpangamuyo na lang sa Diyos.

Ginkwestyon man sang senador ang mga soldado nga kun sila mismo ang masarangan nga patyon sang mga pulis, ano na lang ang matabo sa mga sibilyan nga wala sang mga armas kag wala sang ikasarang nga makabato?

Nahibaluan nga ginpirmahan ni Presidente Rodrigo Duterte ang anti-terror law apisar madamo ang nagapamalagabag.