75 ka mga indibidwal nadakpan nga wala nagasuksok facemask kag wala naga obserba sang physical distancing sa syudad sang Iloilo

Naglab-ot na sa 75 ka tawo ang nadakpan sang Iloilo Compliance team bangud wala nagasuksok sang face mask kag wala man naga-obserba sang physical distancing.

Sa interview sang Bombo Radyo kay Nestor Canong, pinuno sang Task Force on Moral and Values Formation, iya ginpahayag nga 75 ka mga nadakpan nga violators ang na rekord humalin lang sang Hunyo 30 tubtob Hulyo 3.

Suno kay Canong, 45 ka mga indibidwal ang nadakpan sa mga terminal sa syudad samtang ang 30 ka iban pa ang nadakpan sa nagkalain-lain nga barangay.

Dugang pa sang natungdan, P500 ang multa sa tagsa ka mga indibidwal nga wala nagasunod sa minimum health protocol samtang P5,000 naman sa mga establisimento nga naga-violate.