ILOILO CITY- Ginpaidalom sa maid-id nga briefing ang mga residente nga ginhire sang contractor sang naglupok nga power barge para sa oil spill clean up sa Bo. Obrero, Lapuz, Iloilo City.
Sa interview sang Bombo Radyo kay Punong Barangay Ricardo Diño sang Bo, Obrero, Lapuz, iya ginpahayag nga ang mga pumuluyo gikan sa coastal barangays sang Mansaya kag Bo. Obrero sa Lapuz kag Loboc, Lapaz nga gin-hire para sa oil spill clean up ang ginahatagan sang nagakaigo nga Personal Protective Equipment.
Suno kay Diño, may yara man sang engineer nga naga-supervise sa mga trabahador para sundon ang nagakaigo nga protocol sa clean-up operation.
Pahayag pa sang punong barangay, ang kada grupo nga nagapatigayon sang clean-up ang ginapamunuan sang team leader nga personnel sang AC Energy Corporation nga amo ang operator sang naglupok nga power barge.
