Naglab-ot na sa 18,915 nga mga detainees ang ginpaguwa sa presohan agud indi magginutok ang jail facilities sa Pilipinas subong nga may pandemya.
Suno kay Bureau of Jail Managemet and Penology Chief Jail Director Allan Iral, ang mga ginpaguwa sa presohan amo ang mga detainees nga may menor nga kaso kag ang iban nga naka-serbe na sang ila sentensya.
Pahayag niya, 48 sa 470 ka mga jail facilities sa pungsod ang naapektuhan sang Coronavirus Disease 2019 (COVID-19).
Nagapabilin sa gihapon nga lockdown ang jail facility sa Region 7 matapos magpositibo sa virus ang tatlo ka mga personnel.
Ginasiguro sang pamunuan sang BJMP nga ginahimo nila ang tanan agud nga mapabilin nga COVID-free ang iban nga mga jail facilities sa pungsod kag ginaptuman sang insakto ang minimum health standard.
