Nangin fashion na sang kadam-an ang hair color ukon pagpalugom sang buhok.
Iban sa inyo ang may luyag nga mag eksperimento sang buhok agud nga mangin trendy kag fashionable lantawon.
Apang kinahanglan nga man nga mangin mahinalungon sa paglugom sang imo nga buhok bangud mahimo ini makaapekto sa health sang imo buhok amo man sa imo ikaayong lawas.
Suno kay, Manuela Gago-Dominguez, medical doctor kag assistant professor sa Keck School of Medicine, ang paggamit masami sang lugom ang madasig nga makapa-upos sang imo nga buhok.
Ang mga lugom sa buhok ang may yara sang paraphenyldiamine kag labi nga maapektuhan amo ang mga tawo nga may dematitis.
Ang mga tawo nga may eczema kag psoriasis ang indi dapat magpalugom sang buhok.
