Napili-an ang duha ka mga Filipino artists nga maghimo sang obra maestra ukon artwork sa nag-retiro na nga American NBA Star Vince Carter.
Ang duha ka mga artists amo sanday Jayson Atienza kag AJ Dimarucot sa diin makit-an ang ila illustration sa tribute website nga ginlunsyar para kay Carter.
Sa instagram post ni Atienza, nagpasalamat ini bangud isa siya sa 15 ka mga artist sa bilog nga kalibutan nga napili-an agud maghatag sang tribute kay Carter.
Samtang indi naman makapati si Dimarucot nga napili-an ang iya obra maestra.
Nahibaluan nga sang tinalikdan nga bulan, gin-anunsyar sang NBA star nga ma-retiro na ini matapos ang masobra 20 ka tuig nga paghampang niya sa NBA.
