Economic Team sang Duterte Administration, kampante nga malampuwasan sang Pilipinas ang economic crisis

Kampante ang economic team sang Duterte Administration nga malampuwasan sang Pilipinas ang health kag economic crisis tuga sang Coronavirus Disease 2019 (COVID-19) pandemic.

Suno kay Department of Finance Secretary Carlos Dominguez III kag pinuno sang economic team, ginahimo sang gobyerno ang tanan agud mabalik ang ekonomiya sang pungsod.

Pahayag niya, indi manigar nga ang ekonomiya sa subong ang yara sa “bad spot” apang positibo sila nga mas magasangkad pa ang ekonomiya ipaanggid sadto.

Nagalaom naman ang Development Budget Coordination Committee nga ang ekonomiya sang Pilipinas subong nga tuig ang magataas sa 2 tubtob 3.4 percent apang 7.1 tubtob 8.1 percent naman nga GDP growth sa tuig 2021.