Ginkumpirma sang World Health Organization nga may yara sang “emerging evidence” sang airborne transmission ang Coronavirus Disease 2019 kasunod sang sulat nga ginpirmahan sang 239 nga mga scientists.
Gindiskusyonan sang ahensya ang tuhoy sa transmission kag nakig-angot sa madamo nga mga scientists nga amo ang nagpirma sa sulat.
Suno kay Maria Van Kerkove, Infectious disease epidemiologist sang WHO, gina-diskusyonan na sang Health Emergencies Program sang ahensya ang posibilidad sang airborne transmission kag aerosol transmission bilang “modes of transmission” sang COVID-19.
Madamo pa sang pag-panalawsaw ang kinahanglan sa COVID-19 transmission pahayag naman ni Dr. Benedetta Alleganzi, WHO Technical Lead for Infection Prevention and Control.
Dugang pa sang natungdan, apisar may yara sang “emerging evidence”, nagapati ini sa gihapon nga kinahanglan pa nga matun-an kag mahangpan ang implikasyon sang amo nga transmission.
