ILOILO CITY – Naglab-ot na sa 427 ang kabug-usan nga numero sang Coronavirus Disease 2019 (COVID-19) sa Western Visayas.
As of July 9, 951 sa 966 ka laboratory results ang nagnegatibo rason nga 15 ka panibag-o nga kaso ang na record sa bug-os nga rehiyon.
Ang 15 ka mga pasyente nga nagdugang sa listahan ang lunsay Locally Stranded Individual kun sa diin isa ang residente sang syudad sang Iloilo samtang ang 14 naman ang residente sang Negros Occidental.
Nadugangan naman sang 6 ang mga naka-recover kun sa diin nagsaka sa 159 ang kabug-usan nga numero samtang nagapabilin naman sa 11 ang ginbawi-an sang kabuhi.
Ang mga naka-recover naman amo sanday:
Patient no. 123 – 35 anyos nga lalaki sang Balasan, Iloilo
Patient no. 212 – 24 anyos nga lalaki sang Escalante City, Negros Occidental
Patient no. 213 – 26 anyos nga lalaki sang Escalante City, Negros Occidental
Patient no. 219 – 20 anyos nga lalaki sang Escalante City, Negros Occidental
Patient no. 276 – 16 anyos nga lalaki sang Dumangas, Iloilo
Patient no. 297 – 51 anyos nga lalaki sang Nueva Valencia, Guimaras
Sa subong, ang Aklan ang may 6 ka COVID-19 cases, Antique ang may 15, Capiz ang may 6, Iloilo Province ang may 41, Negros Occidental ang may 7, Bacolod City ang may 11, Iloilo City ang may 36 kag 305 sa mga repatriates.
