ILOILO CITY – Nagakadapat nga istriktuhan ang pagbantay sa mga pantalan kag paluparan kasunod sang pagdula sang suspension sa pagpauli sang Locally Stranded Individual.
Sa interview sang Bombo Radyo kay Police Col. Gilbert Gorero, acting Public Information Officer sang Police Regional Office 6, iya ginpahayag nga bangud nga bangud nga gindula na ang border restrictions sa bug-os nga Western Visayas kag ginpahanugutan naman ang pagpauli sang Locally Stranded Individual, kinahanglan nga hugtan ang seguridad sa mga pantalan kag paluparan.
Suno kay Gorero, kun basehan ang record sang Department of Health, kalabanan sa mga nagapositibo sa Coronavirus Disease 2019 (COVID-19) sa rehiyon amo ang mga Locally Stranded Individual kag ang repatriated Overseas Filipino Worker.
Ginpahayag ni Gorero nga kinahanglan ang istrikto nga monitoring agud nga malimitahan man ang transmission rate sa bug-os nga rehiyon.
