Nasapwan na lang nga patay si Seoul City Mayor Park Won-soon matapos nga gin-anunsyar ini nga missing sang iya anak.
Natukiban na lang sang Seoul Metropolitan Police Agency ang bangkay sang alkalde sa Mt. Boguk sa northern Seoul.
Indi pa mapad-ot kun ano ang natabo sa alkalde kag kun ano ang rason sang iya kamatayon.
Nahibaluan nga naghalin si Park sa ila balay 10:40 sang aga kaina, Hulyo 9 samtang nakasuksok ini sang itom nga kalo kag may dala nga backpack.
May yara pa kuntani sang policy meeting nga naka-schedule ang alkalde apang iya ini nga gin-kansela.
Nahibaluan nga si Park ang nangin alkalde sang Seoul humalin sang 2011 kag ginalantaw nga may potensyal sa pagka-presidente sa maabot nga 2022 presidential elections.
