Ginalaoman nga maabot subong nga adlaw sang Byernes ang bangkay sang 44 nga mga Pinoy nga napatay sa Saudi Arabia lakip na ang 14 COVID-19 fatalities.

Bangud sa kahangawa sang Coronavirus Disease 2019 (COVID-19), ginadumili-an ang mga himata nga maglantaw sa bangkay sang ila mga pinalangga sa tion nga mag-abot na ini sa Villamor Airbase sa Pasay City.

Matapos ang cremation, ang ila mga abo ang ihatag sa ila tagsa ka mga himata.

Sa pangkabug-usan, 274 ka mga Overseas Filipino Workers sa Saudi Arabia ang nagkalamatay sa diin 152 ang COVID-19 victims samtang ang iban naman ang napatay sa iban nga balatian.

Nahibaluan nga ang kada batch lang ang pagpa-pauli sang bangkay sa Pilipinas bangud sa limitasyon man sang flight.