ILOILO CITY – Ginkalipay ni Iloilo City Mayor Jerry Treñas nga pahanugutan na ang angkas sa motor base man sa direktiba sang National Inter-Agency Task Force.
Sa interview sang Bombo Radyo kay Mayor Treñas, indi lamang mga asawa ukon bana ang pahanugutan mag angkas kundi mangin ang bata, ka-live in partner, nobya ukon nobyo ang tugutan naman sa syudad.
Suno kay Treñas, nakahatag naman siya sang direktiba sa Public Safety and Transportation Management Office nga indi anay mangdakop sang mga motorista nga may angkas sa motor.
Base sa National-IATF, kinahanglan nga may yara sang separator ang motorsiklo kag ini ang sundon anay pahayag sang alkalde.
