Nagapadayon ang pagpanagtag sang ayuda sa idalom sang Social Amelioration Program sang Department of Social Welfare and Development sa Western Visayas.
Sa interview sang Bombo Radyo kay May Castillo, tagpamaba sang Department of Social Welfare and Development Region 6, iya ginpahayag nga una nga ginahatagan sang ayuda amo ang “additional family beneficiaries” nga wala makakuha sang cash assistance sa 1st tranche sang programa.
Suno kay Castillo, sa 151,000 nga mga “additional family beneficiaries”, yara pa lamang sa 17,000 ang natigayon nga mahatagan.
Apang apisar sini pahayag niya, ginatinguhaan sang Department of Social Welfare and Development nga mapadasig ang pagpanagtag sang ayuda.
Sa bahin sang ika-duha nga hugnat sang Social Amelioration Program sa syudad sang Iloilo, probinsya sang Iloilo kag Bacolod City, wala pa sang natalana nga iskedyul ang ahensya kun san-o mahimo mahatag ang cash assistance.
Indi na pag itugyan pa sang ahensya sa local government unit ang pagpanagtag sang Social Amelioration Fund kundi ipaagi na lamang ini sa digital payment ukon digital distribution.
