GUIMARAS – Wala sa gihapon nakahatag sang bulig ang AC Energy sa ginabanta 300 nga mga pamilya sa Guimaras nga apektado sang nagtagas nga bunker fuel halin sa naglupok nga power barge sa Bo. Obrero, Lapuz, Iloilo City.
Sa interview sang Bombo Radyo kay Teresita Siason, Provincial Disaster Risk Reduction and Management Officer sa Guimaras, iya ginpahayag nga 37 ka mga kabaranggayan na ang apektado sa probinsya nga ginalakipan sang 17 sa Buenavista, walo sa Jordan, siyam sa Nueva Valencia kag tatlo sa San Lorenzo.
Suno kay Siason, amat-amat na nga ginapatigayon ang clean up drive sa mga baybayon kag una diri amo ang nasakupan sang Buenavista kag Jordan.
Dugang pa sang natungdan, ang nahatag pa lamang sang AC Energy amo ang sweldo sang mga trabahador nga nagapanglimpyo sang baybayon.
