ILOILO CITY – 41 ka panibag-o nga kaso sang Coronavirus Disease 2019 (COVID-19) ang na record sa Western Visayas.
As of July 13, 343 sa 383 ka laboratory results ang nagpositibo rason nga naglab-ot na sa 593 ang kabug-usan nga numero.
Sa 41 ka pasyente nga ginabug-usan sang Locally Stranded Individual kag repatriated Overseas Filipino Workers, tatlo ang naka home quarantine, tatlo ang admitted sa hospital samtang 35 naman ang yara sa facility quarantine.
Sa panibag-o nga kaso:
10 ang gikan sa Lambunao, Iloilo,
4 sa Iloilo City,
May tag-isa sa Oton, Alimodian, Guimbal kag Batad, Iloilo
Samtang, 12 naman ang nagdugang sa numero sang mga naka-recover kun sa diin naglab-ot na sa 190 ang kabug-usan nga numero kag nagapabilin sa 11 ang patay.
Sa subong:
Aklan – 6
Antique – 15
Capiz – 6
Iloilo Province – 58
Negros Occidental – 14
Bacolod City – 14
Iloilo City – 41
Repatriates – 439
Tag to other region – 5
Sa interview sang Bombo Radyo kay Dr. Marie Jocelyn Te, Medical Coordinator sang Emerging and Re-emerging Infectious Diseases sang Department of Health 6, ang atrasado nga pagpaguwa sang COVID-19 results ang epekto sang kakulang sang machine sa Western Visayas Medical Center.
Kun tuhoy naman sa mga report nga may yara sang Locally Stranded Individual nga nakapauli na sa ila balay apisar nga wala pa nakaguwa ang COVID-19 result, ginpahayag ni Dr. Te nga ang pag-isip ang naghalin sa una nga adlaw sang pagpaidalom sa quarantine.
