ILOILO – Duha ka mga pulis sa Iloilo Police Provincial Office ang nagpositibo sa COVID-19.
Ini ang santo sa nabaton nga impormasyon ni Police Master Sergeant Francisco Lindero, tagpamaba sang Iloilo Police Provincial Office.
Suno kay Lindero, indi lang niya mabuyagyag ang detalye tuhoy sa duha ka mga pulis apang ang isa ang naghalin sa Metro Manila samtang wala pa nahibalu-an ang travel history sang isa ka pulis.
Nag-abot sa Iloilo ang duha ka pulis sang Hunyo 29 kag sa kasubong man nga adlaw, ginkuhaan sila sang swab sample kag gilayon nga ginderetso sa facility quarantine.
Ang duha suno kay Lindero ang kabahin lamang sang 35 ka panibag-o nga personnel nga gin-assign sa Iloilo Police Provincial Office.
Nagapabilin nga asymptomatic ang duha ka mga pulis nga santo sa nauna nga impormasyon, 3 ka pulis ang nagpositibo sa nasambit nga virus as of July 12 nga bulletin sang Department of Health Region 6.
