Nagaka-alarma na ang World Health Organization bangud sa padayon nga pagtaas sang numero sang mga infected sang Coronavirus Disease 2019 (COVID-19) sa bilog nga kalibutan.
Ini bangud nga sa sulod sang lima ka adlaw, na rekord na ang isa ka milyon nga mga tawo nga natapikan sang nasambit nga balatian.
Suno kay World Health Organization (WHO) chief Tedros Adhanom Ghebreyesus, indi na mag balik pa sa old normal ang pangabuhi sang tawo bangud may lain nga direksyon ang iban nga mga pungsod.
Ang virus ang nagapabilin nga “public enemy number one” pahayag niya ilabi pa kun ang mga basic ukon health protocol ang indi masunod.
Mas labi lang nga maga-lala ang sitwasyon sang bilog nga kalibutan kun magapabilin nga sala kag lain ang direksyon sang iban nga mga pungsod.
Base sa global tally, madasig ang pagtaas sang kaso sang COVID-19 sa Estados Unidos sa diin halos tunga sang numero sang kaso sa bilog nga kalibutan ang na rekord sa nasambit nga pungsod.
WORLD
COVID 19 CASE: 13,127,699
DEATH: 573,182
RECOVERED: 7,640,334
PHILIPPINES
COVID 19 CASE: 57,006
DEATH: 1,599
RECOVERED: 20,371
