Nagasinggit sang hustisya ang Overseas Filipino Worker nga iloy sang 15 anyos nga dalagita nga gina-alegar gin-rape kag ginpatay sang duha ka mga pulis sa Ilocos Sur.
Ang biktima amo si Fabel Pineda.
Nag-abot kaina, Hulyo 13 ang iloy ni Fabel kaupod ang 300 nga mga repatriates halin sa Kuwait.
Suno sa iloy, nagapangayo gid siya sang bulig kay Presidente Rodrigo Duterte nga mahatagan sang hustisya ang kamatayon sang iya menor de edad nga anak.
Nagapanindugan ang iloy nga bayadan sang duha ka mga pulis nga sanday Police Staff Sergeants Randy Ramos kag Marawi Torda ang ginhimo nila kay Fabel.
Nahibaluan nga ginpasakaan na sang kaso nga murder ang duha ka mga pulis.
Samtang ang tanan nga pulis sa Cabugao kag San Juan Municipal Police Stations sa Ilocos Sur ang gin-relieve na sa duty samtang ang hepe sang Cabugao ang ginpasakaan kaso nga obstruction of justice.
