ILOILO CITY – Padal-an sang demand letter ni Iloilo City Mayor Jerry Treñas ang AC Energy kasunod sang paglupok sang power barge nga nagtuga sang oil spill sa syudad sang Iloilo lakip na sa probinsya sang Iloilo kag Guimaras.
Sa interview sang Bombo Radyo kay Treñas, iya ginpahayag nga ginahitso na ang demand letter batok sa nasambit nga kompaniya bangud sa halit nga natuga sang nagtagas nga bunker fuel.
Suno kay Treñas, ginapadasig na sang AC Energy ang clean-up drive apang katuyu-an sang iya nga pagpadala sang demand letter amo nga mahibalu-an kun ano ang rehabilitation plan sang nasambit nga kompaniya.
Ginpahayag sang alkalde nga apisar nagapasalamat siya sa nangin akto sang AC Energy apang indi sini matabunan ang violations nga dapat hatagan sang nagakaigo nga silot.
