ILOILO CITY- Nakapauli na ang mga residente sang Mansaya, Lapuz, Iloilo City nga gin-evacuate sa hotel kasunod sang oil spill bangud sang paglupok sang power barge sang AC Energy sa Bo. Obrero, Lapuz, Iloilo City sang damlag lang.
Sa interview sang Bombo Radyo kay Barangay Kagawad Daryl Valenzuela, iya ginpahayag nga 70 ka pamilya ukon 223 ka mga indibidwal ang magapauli.
Suno kay Valenzuela, antes ang pagpabalik sa mga evacuees, nagpatigayon sang inspection ang mga tiglawas sang AC Energy kun dapat na gid man ibalik ang mga pumuluyo.
Suno kay Valenzuela,nagtahaw-tahaw na gid man ang baho sang bunker fuel kag nagatin-aw naman ang tubig.
Matandaan nga ginpangsaylo sa hotel ang mga evacuees kasunod sang reklamo ni Mayor Jerry Treñas nga daw ginpabay-an sang AC Energy ang mga evacuees sa mga eskwelahan nga una nagserbi nga evacuation centers.
