Posible nga magsirado ang iban nga mga kolehiyo sa Pilipinas bangud sa kakulang sang enrollees.
Ini ang ginpalab-ot mismo sang mga buluthuan sa Commission on Higher Education.
Suno kay Commission on Higher Education Chairman Prospero De Vera, nakulbaan ang mga ginikanan nga pabalikon sa eskwelahan ang ila mga kabataan bangud man sa kahangawa nga tuga sang Coronavirus Disease 2019.
Dugang pa sang natungdan, wala nakahibalo ang iban nga mga pribado nga buluthuan kag local government unit sang ila dapat himuon tuhoy sa pag-eskwela sang mga kabataan sa mga lugar nga wala sang internet connection.
Sa pihak nga bahin gin-rekomendar naman ni Chief implementer Carlito Galvez Jr. nga kuhaon ang mga playgrounds kag buffets sa canteen sa mga eskwelahan agud malikawan ang pag dinaguso sang mga kabataan.
Suno kay Galvez, kinahanglan unahon sang otoridad ang pag tsekyar sa mga eskwelahan nga yara sa idalom sang modified general community quarantine agud masiguro nga masunod ang nasambit nga mga tikang.
