ILOILO CITY – Dakop sa drug buy bust operation ang tatlo ka mga persona sa Barangay Caingin, LaPaz, Iloilo City.
Ang subject amo si Noel Andresio, 38 anyos taga Lapuz Norte kag Charlie Asoro, 32 anyos sang Caingin.
Sa interview sang Bombo Radyo kay PSSgt. Leonard Aquitan, Station Drug Enforcement Team investigator sang Arevalo Police Station, iya ginpahayag nga sa Arevalo kuntani patigayunon ang transaksyon apang nag desisyon si Andresio nga sa Lapuz Norte na lamang.
Pag-abot sa Lapuz, ang nag daho sang iligal nga droga amo si Asoro sa diin natigayon sila nga madakpan sang kapulisan.
Suno kay Aquitan, gin-ako man si Asoro nga ang ginakuhaan niya sang iligal nga droga amo ang iya tiyo nga si Ricardo Frito sang Caingin, Lapaz kag natigayon man ini nga madakpan sang pulis.
Nakuha sa mga nagkaladakpan ang tato ka mga suspected shabu kag P9,600 nga buybust money.
