Bastante ang suplay sang HIV drugs sa Pilipinas sa pihak sang pahayag sang World Health Organization nga masobra 70 ka mga pungsod ang nagapangatubang sang problema sa kakulang sang nasambit nga bulong bangud sa COVID-19 pandemic.
Suno kay Department of Health Secretary Francisco Duque III, bastante pa ang HIV drugs tubtob sa katapusan sang tuig 2020 sa diin ang libre nga antiretroviral drugs ang available sa 160 ka mga government kag private treatment facilities sa pungsod.
Sa subong gina-review na sang ahensya ang 2021 procurement plan kag ginakonsidera nga mahimo magtaas ang presyo sang bulong bangud sa pandemya.
Nahibaluan nga base sa World Health Organization, mahimo nga magtaas ang kaso sang HIV bangud sa lockdown nga tuga sang COVID-19 pandemic nga amo ang nagapa-delay sa pag-deliver sang mga bulong.
