ILOILO CITY – Wala sang problema para kay Iloilo City Mayor Jerry Treñas ang pagbaton sang Locally Stranded Individuals nga magapauli sa syudad sang Iloilo.
Sa interview sang Bombo Radyo kay Treñas, iya ginpahayag nga wala sang problema sa iya kun napahibalo lang nga daan ang Iloilo City Government agud nga mahanda ang mga quarantine facilities.
Suno kay Treñas, naglab-ot sa 515 ang total bed capacity sa mga quarantine facilities apang 475 diri ang bakante sa subong.
Mangin problema lamang suno sa alkalde sa tion nga magdesisyon ang Department of Education nga bawion ang mga eskwelahan nga ginahimo nga quarantine facility.
Kun matabo, ang Diamond Jubilee Hall kag ang St. Therese Hospital lamang ang mahimo nga magamit.
