Dueñas, Iloilo mahatag sang P10,000 kag 1 sako nga bugas sa mga COVID-19 patients sang banwa

DUEÑAS, ILOILO – Mahatag sang cash assistance kag isa ka sako nga bugas ang local government unit sang Dueñas, Iloilo sa mga pasyente nga nagpositibo sa Coronavirus Disease 2019 (COVID-19).

Sa interview sang Bombo Radyo kay Dueñas Mayor Mamerto Pelopero III, iya ginpahayag nga P10,000 cash kag isa ka sako nga bugas ang ihatag sa mga COVID-19 patients.

Sa sini nga pamaagi suno kay Pelopero, mabuhinan ang stress sang mga pasyente.

Nahibaluan nga ang cash assistance nga ihatag sa mga COVID-19 patients ang halin sa Miscellaneous fund sang Dueñas.