Nakapasa na sang counter affidavit si Senator Aquilino Pimentel III matapos ang 100 ka adlaw sang ginapahayag breach of quarantine protocol sa Makati hospital sang Marso.
Nagapangatubang sang reklamo si Pimentel bangud sa gina-alegar paglapas sa Republic Act No.11332 ukon Mandatory Reporting of Notifiable Diseases and Health Events of Public Health Concern Act sang gin-updan niya ang iya tiayon nga nagabusong sa Makati Medical Center sang Marso 24 apisar nga nagpaidalom ini sa swab test para sa Coronavirus Disease 2019 sang Marso 20.
Ginpabalo lang ang senador nga nagpositibo ini sa COVID-19 sang yara ini sa ospital.
Depensa sang Senador sa iya counter affidavit, indi niya makabig ang kaugalingon nga person under investigation sang siya ang nagpadulong sa ospital sa baylo, isa siya ka VIP ukon very important person kag wala ini may ginlapas nga protocol.
“That not all of those tested for Covid 19 as of March 20, 2020 were PUIs. Some were simply VIPs,” pahayag sang senador.
Nahibaluan nga mismo ang nasambit nga ospital ang nag isyu sang statemenent sa diin ila gintawag nga iresponsable kag reckless ang nangin akto sang senador samtan ginkumpirma man sang Department of Health nga ginlapas ni Pimentel ang quarantine protocols.
