Handa ang syudad sang Passi nga i-akomodar ang mga Locally Stranded Individuals nga padayon nga naga-abot.
Sa interview sang Bombo Radyo kay Mayor Stephen Palmares, iya ginpahayag nga subong nga adlaw may siyam ka mga Locally Stranded Individuals ang nag-abot kag gilayon ini nga ginsugat sang salakyan sang local government unit.
Suno kay Palmares, wala ginadiretso sa tagsa ka mga balay ang mga LSI sa baylo sa quarantine facility ang mga ini gindiretso para sa 14 day mandatory quarantine.
Ipaidalom man sa RT-PCR test ang locally stranded individuals agud masiguro nga hilway ang mga ini sa COVID-19.
Dugang pa sang alkalde, tag isa ka kwarto ang mga locally stranded individuals amo man sa mga overseas filipino workers kag may tag isa man ka comfort room.
Nahibaluan nga may yara na sang 68 ka mga LSIs kag OFWs ang nagatinir sa subong sa quarantine facility sang Passi City.
