8 ka mga indigenous cases ang nalakip sa 21 ka mga kaso sang Coronavirus Disease 2019 (COVID-19) nga nagdugang sa Western Visayas as of July 18, 2020.
Sa COVID-19 case bulletin No. 114 sang Department of Health Region 6, kabug-usan nga 737 na ang kaso sang COVID-19 sa Western Visayas samtang 346 diri ang active cases.
Mas mataas naman ang panibag-o nga recoveries sa rehiyon nga may 34 ka mga pasyente nga nagdugang sa listahan sa diin kabug-usan nga 379 na mga naka-rekober kag nagapabilin sa gihapon sa 12 ang patay.
Yari ang walo ka mga indigenous cases;
NEW LUCENA, ILOILO – 1
BACOLOD CITY – 1
STA. BARBARA – 2
ILOILO CITY PROPER – 1
JARO, ILOILO CITY – 1
LAPUZ, ILOILO CITY – 1
OTON, ILOILO – 1
Samtang kun pahat-pahaton naman ang kabug-usan nga kaso sang COVID-19 sa Western Visayas:
Aklan – 6
Antique – 15
Capiz – 6
Iloilo Province – 66
Negros Occidental – 26
Bacolod City – 19
Iloilo City – 49
Repatriates/LSI – 550
Samtang 2,180 sa 5,674 beds sa Western Visayas ang na okupar na sang mga Locally Stranded Individuals kag repatriated Overseas Filipino Workers.
Sa bahin sang probinsya sang Iloilo, madamo pa ang available nga bed capacity bangud 465 pa lang ang okupado sa kabug-usan nga 1,771.
Sa syudad, halos ubos na okupar ang bed capacity sang mga Locally Stranded Individuals kag repatriated Overseas Filipino Workers.
Indi lamang ma pat-od ni Te kun bala na isip naman ang bed capacity sa mga yara sa hotel ukon ang iban pa nga quarantine facility sa syudad sang Iloilo.
