DUMANGAS, ILOILO – Napalab-ot na sang Barangay Council sang Maquina, Dumangas, Iloilo sa igtalupangod sang Sangguniang Bayan ang tuhoy sa malubog nga tubig nga gina-supply sang Dumangas-Barotac Nuevo Water District.
Sa interiew sang Bombo Radyo kay Punong Barangay Rustom Solas sang nasambit nga lugar, iya ginpahayag nga tuman ka lubog ang tubig nga nagaguwa sa gripo sa tion nga mag-ulan samtang nagatin-aw naman ang tubig kun tig-ilinit.
Suno kay Solas, private company ang nagapanag-iya sang pumping station nga amo naman ang ginakuhaan sang tubig sang Dumangas-Barotac Nuevo Water District.
Ginpahayag ni Solas nga kun leakage lamang ang problema, indi tuman ka lubog ang tubig nga nagaguwa sa gripo kag kun tani, nasolusyunan na ini ang water district kag sang private company.
Apisar nga safe gamiton apang suno sa Punong Barangay nga indi man nila mabatas nga maggamit sang lubog nga tubig.
Sa subong, ginpahayag sang natungdan nga nagpromisa na ang pamunu-an sang nasambit nga water district nga aktuhan ang nasambit nga problema.
Sa subong, wala pa sang sabat ang pamunu-an sang nasambit nga water district tuhoy sa nasambit nga reklamo.
