ILOILO CITY – Indi applicable ang Data Privacy Act sa mga impormasyon kaangot sa mga public figures kaangay sang high-profile inmate nga si Jaybee Sebastian.
Ini matapos nga nagpamalibad si Bureau of Corrections chief Gerald Bantag nga magkumpirma sa mga report kaangot sa kamatayon ni Sebastian.
Sa exclusive interview sang Bombo Radyo kay Atty. Leo Superio, iya ginpahayag nga ang Data Privacy Act ang indi mahimo ma ‘invoked’ sa kaangay nga sitwasyon bangud si Sebastian ang nangin isa na ka public figure.
Suno kay Superio, ang public interest sa insidente ang justified bangud si Sebastian ang naangot sa mga issue nga may national interest.
Nahibaluan nga matapos ginkumpirma sang Department of Justice (DOJ) ang kamatayon ni Sebastian, gilayon nga ginmanduan ni Justice Sec. Menardo Guevarra ang National Bureau of Investigation nga mag imbestigar sa kamatayon sang high-profile inmate bangud sa Coronavirus disease (COVID-19).
Mahimo man nga magamit sa Executive Order No. 2 ukon ang Freedom of Information (FOI) Program nga pirmado ni Presidente Rodrigo Duterte apang dapat may pahanugot sang pamilya ni Sebastian.
