ILOILO CITY – Compliant sa Data Privacy Act ang Department of Health may kaangtanan sa pagpaguwa sang detalye tuhoy sa mga COVID-19 positive.
Ini ang ginpahayag ni Dr. Ma. Julia Villanueva, Asst. Regional Director sang Department of Health Region 6, sa press briefing sang nasambit nga ahensya.
Suno kay Villanueva, kun ipalayag ang bug-os nga identity sang pasyente, indi malikawan ang diskriminasyon.
Magluwas diri suno kay Villanueva, katuyu-an man sang Data Privacy Act amo nga maproteksyunan ang pamilya sang pasyente.
Sa pagpaguwa sang case bulletin suno kay Villanueva, ginapalayag lang ang Patient code, edad, sex kag ang address sang pasyente bilang reference.
