ILOILO CITY – Indi na mahimo nga maka-agi ang mga salakyan kasunod sang lockdown nga ginpatuman sa Zone 2, Bo. Obrero, Lapuz, Iloilo City.
Sa interview sang Bombo Radyo kay Emmanuel Songheng Jr., empleyado sang Public Safety and Transportation Management Office kag miyembro sang COVID-19 team sang Iloilo City Government, iya ginpahayag nga may mga alternative routes na nga ginbuksan agud nga maagyan sang mga salakyan.
Suno kay Songheng, istrikto ang ginapatuman nga lockdown kag ang checkpoint ang ginabantayan sang mga Barangay Officials, Barangay Tanod, Barangay Peacekeeping Action Team kag mga empleyado sang Public Safety and Transportation Management Office.
Ginpahayag ni Songheng nga santo sa panugyan sang mga health experts, magalawig sang 72 ka oras ang ipatuman nga lockdown kag ini ang magalawig tubtub sa Hunyo 25.
Nahibalu-an nga ang nasambit nga lihok ang ginpatuman kasunod sang na record nga tatlo ka indigenous case sang COVID-19 sa nasambit nga lugar.
