ILOILO CITY – Naglab-ot na sa 960 ang numero sang Coronavirus Disease 2019 (COVID-19) sa Western Visayas kasunod sang 66 ka panibag-o nga kaso nga na record.
As of July 24, 915 sa 988 ka laboratory results ang nagnegatibo rason nga 73 ang positibo apang 4 diri ang ginpaidalom sa repeat test.
Sa 69 ka panibag-o nga kaso, tatlo diri ang nalakip sa kategorya nga Tagged to other regions kag bangud sini, 66 lang ang counted para sa Western Visayas.
Sa interview sang Bombo Radyo kay Dr. Ma. Sophia Pulmones, pinuno sang Local Health Support Division sang Department of Health Region 6, iya ginpahayag nga kalabanan sa mga nagpositibo ang gikan sa Bacolod City, Negros Occidental kag Capiz samtang duha lamang ang sa probinsya sang Iloilo.
Kalabanan sa mga COVID-19 patients ang naka-facility quarantine kag home quarantine samtang duha naman ang admitted sa hospital.
Suno kay Pulmones, nadugangan man sang 24 ang numero sang mga naka-recover kag nagapabilin sa 16 ang ginbawi-an sang kabuhi.
Sa subong:
Aklan – 6
Antique – 15
Capiz – 6
Iloilo Province – 72
Negros Occidental – 37
Bacolod City – 54
Iloilo City – 54
Repatriates/ LSIs – 716
Tagged to other regions – 18
