SWEDEN – Kasubong nga normal lang ang sitwasyon sa Sweden apisar nga may yara sang Coronavirus Disease (COVID-19).
Suno kay Bombo International Correspondent Nancy Fio, amat-amat na nga ginbuksan ang mga negosyo sa Sweden kasubong sang mga kalan-an, hotel, tourist destiation kag transportasyon.
Ginpahayag ni Fio nga maga-umpisa naman ang klase sa Agosto 24 kun sa diin online classes ang patigayunon sa High School samtang face-to-face naman sa Elementary.
Apisar sang kahangawa nga dala sang COVID-19, ginpahayag ni Fio nga wala sang lockdown sa Sweden apang ginapatuman lang ang minimum health standards.
Indi kasubong sa Pilipinas, ginpahayag sang natungdan nga kasubong nga wala nahadlok nga malatnan sang virus ang mga residente sang nasambit nga pungsod.
Sa subong, naglab-ot na sa 78,997 ang COVID-19 cases sa Sweden, 16 ang naka-recover kag 5,697 ang ginbawi-an sang kabuhi.
