ILOILO CITY – Temporaryo nga ipauntat ang byahe sang sakayang-pandagat nga may ruta Iloilo City-Bacolod City vice versa.
Ini ang ginkasugtan nanday Iloilo City Mayor Jerry Treñas, Regional Inter-Agency Task Force kag sang COVID-19 team sang syudad sang Iloilo.
Sa interview sang Bombo Radyo kay Treñas nga ang nasambit nga lihok ang bangud sa nagataas nga numero sang mga nagpositibo sa Coronavirus Disease 2019 (COVID-19) sa Bacolod City kag mismo ang mga doktor ang nagpadala sang sulat kay Presidente Rodrigo Duterte nga ibalik sa Enhanced Community Quarantine ang nasambit nga lugar.
Mangin epektibo ang mandu umpisa subong nga adlaw, Hulyo 27, apang indi naman apektado ang delivery sang essential goods kag cargoes.
