ILOILO CITY – Ginkumpirma ni Iloilo City Mayor Jerry Treñas nga isa ka Dengue patient ang nagpositibo sa Coronavirus Disease 2019 (COVID-19).
Sa interview sang Bombo Radyo kay Treñas, iya ginpahayag nga ang pasyente nga isa ka 39 anyos nga babayi ang residente sang Brgy. North Baluarte sa distrito sang Molo.
Suno kay Treñas, na-admit sa hospital ang nasambit nga pasyente sang Hulyo 7 matapos nakitaan sang Dengue-like symptoms kag nagnegatibo sa COVID-19 test.
Ginpahayag ni Treñas nga antes naka-guwa sa hospital, liwat nga ginpaidalom sa COVID-19 test ang nasambit nga pasyente apang nagguwa nga positibo ang resulta.
Sa subong, naka-facility quarantine ang pasyente samtang ginkuhaan naman sang swab sample ang mga himata nga naka-angkon sang close contact.
