ILOILO CITY – Ginaproblemahan sang Iloilo City Government kun sa diin makuha sang ginabanta P320 million nga pagagastuhon para sa modular mode of learning kadungan sang pag-umpisa sang school year 2020-2021.
Sa interview sang Bombo Radyo kay Iloilo City Mayor Jerry Treñas, iya ginpahayag nga ang nasambit nga kantidad ang pagagastuhon sa pag-print sang modules kag iban pa nga kinahanglanon kun sa diin may yara man sang share ang Local Government Unit kag ang Department of Education.
Suno kay Treñas, magahatag siya sang P42 million para sa patigayunon nga modular mode of learning apang ang nasambit nga kantidad suno sa alkalde ang tuman ka kulang.
Apisar sini, ginpromisa sang alkalde nga iya pangitaan sang paagi kun paano masolusyunan ang nasambit nga problema.
