ILOILO CITY – Temporaryo nga ginsirado ang Arroyo St. sa City Proper matapos natumba ang duha ka poste sang kuryente subong nga hapon, Hulyo 30.
Suno sa isa sa mga nakakita nga si Pablo Dela Cruz, naga-inom sila sang kape sang nabati-an nga may naglagapok.
Ginpahayag ni Dela Cruz nga ginhuna-huna nila nga may yara sang linog apang sang ila nga ginlantaw, natumba na ang duha ka poste.
Maswerte nga wala sang tawo sang natabo ang insidente apang natumbahan naman ang isa ka kotse kag isa ka motorsiklo nga na-parking sa nasambit nga lugar.
Naguba ang bumper sang itom nga kotse nga ginapanag-iyahan sang isa ka empleyado sang Iloilo City Hall samtang guba naman ang side mirror sang motorsiklo.
