AJUY, ILOILO – Tatlo ka persona ang na-intercept sa Culasi port sa banwa sang Ajuy bangud sa paglapas sa border restriction sa tunga sang Iloilo kag Negros Occidental.
Sa interview sang Bombo Radyo kay Mayor Jett Rojas, iya ginpahayag nga ang tatlo nga na-intercept ang manugpangisda nga naghalin sa Negros Occidental.
Suno kay Rojas, ang tatlo ka manugpangisda ang nagapabilin sa facility quarantine kag ginahulat na lang ang resulta sang COVID-19 test.
Ginpahayag ni Rojas nga ginpaidalom naman sa COVID-19 test ang mga himata sang tatlo ka manugpangisda.
May kaangtanan diri, nagahingyo sang kooperasyon ang alkalde sa mga barangay officials sang mga coastal barangay nga i-report gilayon ang mga persona nga nagalapas sa border restrictions bilang pangaman batok sa COVID-19.
Nahibalu-an nga ginkasugtan sang mga Local Chief Executives nga magpatuman sang border restrictions bangud sa nagataas nga COVID-19 cases sa Bacolod City kag Negros Occidental.
