ILOILO CITY – Nagnegatibo sa Coronavirus Disease 2019 (COVID-19) si Iloilo City Councilor Alan Zaldivar lakip na ang iya mga staff.
Ini ang kasunod sang ginpatigayon nga COVID-19 test matapos nga nagpositibo sa virus ang isa ka staff sang Konsehal.
Sa interview sang Bombo Radyo kay Zaldivar, iya ginpahayag nga nagguwa na ang resulta sang ila confirmatory test kag lunsay ini negatibo.
Suno kay Zaldivar, nagpasa siya sang leave lakip na ang iya mga staff para sa seguridad sang mga empleyado kag kliyente sang Iloilo City Hall.
Ang importante suno sa natungdan amo nga kumpirmado nga isa lang sa iya mga staff ang nalatnan sang virus.
