ILOILO CITY – Naglab-ot na sa 1,547 ang kumpirmado nga kaso sang Coronavirus Disease 2019 (COVID-19) sa Western Visayas.
Suno kay Dr. Reynilyn Reyes, COVID-19 spokesperson sang Department of Helth Region 6, as of August 3, 1,091 gikan sa 1,220 ang nagnegatibo sa virus kun sa diin 129 diri ang panibag-o nga kaso nga kun pahat-pahaton, 54 ang naghalin sa Negros Occidental, 36 sa Iloilo, 18 sa Bacolod City, 13 sa Iloilo City kag pito sa Capiz.
Naglab-ot naman sa 738 ang numero sang mga naka-recover matapos nga 32 ang nagdugang samtang nagsaka sa 21 ang ginbawi-an sang kabuhi matapos nga isa ang nagdugang sa listahan.
Ang napatay amo si Patient no. 328 – 38 anyos nga lalaki sang Bago City, Negros Occidental kag isa ka Locally Stranded Individual.
Sa subong:
Aklan – 6
Antique -15
Capiz – 7
Guimaras – 1
Iloilo Province – 89
Iloilo City – 104
Negros Occidental – 50
Bacolod City – 129
ROFs/LSIs/APORs – 1,146
Tagged to other regions – 26
